Ons glo alle mense het ’n sterk behoefte aan aanvaarding, liefde en om te behoort en dat dit in goeie verhoudings gevind kan word – soos in familie en vriendskappe. Christus is ons beste voorbeeld van iemand wat alle mense so behandel het. Gesinne kom in alle vorme voor en ons glo die familie is ook kerk en in vennootskap met die gemeente. Ons wil juis vir alle soorte mense, en in watter gesin situasie ook al, met spontane, gasvrye liefde ’n familie wees.
 
Die “familie- en vriend-ding” is daarom die DNA van al ons aktiwiteite en bedienings – ons eredienste, familiefeeste waar ons lekker kuier, bedienings vir kinders, jeug en seniors, kleingroepe waar mense moet tuiskom, versorging van siekes en mense in nood ens.
 
NG Moedergemeente Mosselbaai YouTube Channel